قازاقستان رەسپۋبليكاسى ۇكىمەتىنىڭ قاۋلىسى  №673

  2016 جىلعى 7 قاراشا استانا, ۇكىمەت ءۇيى قورشاعان ورتانىڭ جاي-كۇيى تۋرالى جانە قازاقستان رەسپۋبليكاسىنىڭ تابيعي رەسۋرستارىن پايدالانۋ تۋرالى ۇلتتىق باياندامانى ازىرلەۋ قاعيدالارىن بەكىتۋ تۋرالى 2007 جىلعى 9 قاڭتارداعى قازاقستان رەسپۋبليكاسىنىڭ ەكولوگيالىق كودەكسى 16-بابىنىڭ 7) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قورشاعان ورتانىڭ جاي-كۇيى تۋرالى جانە قازاقستان رەسپۋبليكاسىنىڭ تابيعي رەسۋرستارىن پايدالانۋ تۋرالى ۇلتتىق باياندامانى ازىرلەۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ب.ساعىنتاەۆ قازاقستان رەسپۋبليكاسى ۇكىمەتىنىڭ 2016 جىلعى 7 قاراشاداعى №673 قاۋلىسىمەن بەكىتىلگەن قورشاعان ورتانىڭ جاي-كۇيى تۋرالى جانە قازاقستان رەسپۋبليكاسىنىڭ تابيعي رەسۋرستارىن پايدالانۋ تۋرالى ۇلتتىق باياندامانى ازىرلەۋ قاعيدالارى 1. جالپى ەرەجەلەر 1. وسى قورشاعان ورتانىڭ جاي-كۇيى تۋرالى جانە قازاقستان رەسپۋبليكاسىنىڭ تابيعي رەسۋرستارىن پايدالانۋ تۋرالى ۇلتتىق باياندامانى ازىرلەۋ قاعيدالارى (بۇدان ءارى – قاعيدالار) 2007 جىلعى 9 قاڭتارداعى قازاقستان رەسپۋبليكاسى ەكولوگيالىق كودەكسىنىڭ (بۇدان ءارى – ەكولوگيالىق كودەكس) 16-بابىنىڭ 7) تارماقشاسىنا سايكەس ازىرلەندى جانە قورشاعان ورتانىڭ جاي-كۇيى تۋرالى جانە قازاقستان رەسپۋبليكاسىنىڭ تابيعي رەسۋرستارىن پايدالانۋ تۋرالى ۇلتتىق باياندامانى (بۇدان ءارى – ۇلتتىق بايانداما) ازىرلەۋ ءتارتىبىن ايقىندايدى. 2. ۇلتتىق بايانداما قازاقستان رەسپۋبليكاسىنىڭ اۋماعىنداعى ناقتى ەكولوگيالىق جاعدايلار جانە ونى جاقسارتۋ بويىنشا قولدانىلاتىن شارالار تۋرالى حالىقتى جىل سايىن اقپاراتتاندىرۋ ماقساتىندا ازىرلەنەدى. 3. ۇلتتىق باياندامانى ازىرلەۋدى قورشاعان ورتانى قورعاۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) ۇيىمداستىرادى. 4. ۇلتتىق بايانداما مەملەكەتتىك ەكولوگيالىق اقپارات قورىنىڭ قۇرامىنا كىرەدى. 2. ۇلتتىق باياندامانى ازىرلەۋ ءتارتىبى 5. ۇلتتىق بايانداما قورشاعان ورتانىڭ جانە تابيعي رەسۋرستاردىڭ ساندىق جانە ساپالىق سيپاتتامالارىن, انتروپوگەندىك ەسەرلەردى, مەملەكەتتىك ساياساتتى, ستاتيستيكالىق, ساراپتامالىق, عىلىمي جانە وزگە دە اقپاراتتى تالداۋعا نەگىزدەلەدى, ەكولوگيالىق سالالار مەن ارالاس سالالاردىڭ دامۋ دەڭگەيلەرىن كورسەتەدى, ەكولوگيالىق پروبلەمالار مەن ولاردى شەشۋدىڭ مۇمكىن جولدارىن ايقىندايدى. 6. ۋاكىلەتتى ورگان جىل سايىن ەسەپتى كەزەڭنەن كەيىنگى جىلدىڭ قاڭتار ايىندا ورتالىق مەملەكەتتىك ورگاندارعا جانە جەرگىلىكتى اتقارۋشى ورگاندارعا (بۇدان ءارى – مەملەكەتتىك ورگاندار) ۇلتتىق باياندامانى ازىرلەۋ ءۇشىن اقپارات ۇسىنۋ تۋرالى سۇراتۋلار جىبەرەدى. 7. مەملەكەتتىك ورگاندار جىل سايىن ەسەپتى كەزەڭنەن كەيىنگى جىلدىڭ 1 ناۋرىزىنا دەيىن ۇلتتىق باياندامانى ازىرلەۋ ءۇشىن اقپارات ۇسىنادى. 8. ۋاكىلەتتى ورگان مەملەكەتتىك ورگاندار ۇسىنعان اقپاراتتى جيناقتاۋدى, قورىتۋدى, تالداۋدى جانە مىناداي: 1) قورشاعان ورتانىڭ جانە تابيعي رەسۋرستاردىڭ ساندىق جانە ساپالىق سيپاتتامالارى تۋرالى; 2) نەگىزگى قوعامدىق ماڭىزدى ەكولوگيالىق پروبلەمالاردى قوسا العاندا, قورشاعان ورتاعا تيگىزەتىن انتروپوگەندىك اسەرلەر تۋرالى; 3) وڭىرلەردەگى ەكولوگيالىق حال-احۋال تۋرالى; 4) قورشاعان ورتانى قورعاۋ جانە تابيعي رەسۋرستاردى پايدالانۋ سالاسىنداعى مەملەكەتتىك ساياساتتى ىسكە اسىرۋ بويىنشا مالىمەتتەردى قامتيتىن ۇلتتىق باياندامانىڭ جوباسىن قالىپتاستىرۋدى ۇيىمداستىرادى. 9. ۇلتتىق باياندامانىڭ جوباسىن قالىپتاستىرعان سوڭ, ۋاكىلەتتى ورگان جىل سايىن ەسەپتى كەزەڭنەن كەيىنگى جىلدىڭ 1 قىركۇيەگىنە دەيىن ونى مەملەكەتتىك ورگاندارعا كەلىسۋ ءۇشىن جىبەرەدى. 10. مەملەكەتتىك ورگاندار كۇنتىزبەلىك ون بەس كۇن ىشىندە ۇلتتىق باياندامانىڭ جوباسىمەن كەلىسەدى نەمەسە ۇسىنىستار مەن ەسكەرتۋلەردى ۇسىنادى. 11. ۋاكىلەتتى ورگان ەسەپتى كەزەڭنەن كەيىنگى جىلدىڭ 1 قازانىنا دەيىنگى مەرزىمدە ۇلتتىق بايانداما جوباسىن مەملەكەتتىك ورگاندارعا قايتا كەلىسۋ ءۇشىن جىبەرەدى. 12. مەملەكەتتىك ورگاندار ۇلتتىق باياندامانىڭ پىسىقتالعان جوباسىن قايتا كەلىسۋ ءۇشىن العان كۇنىنەن باستاپ بەس جۇمىس كۇنى ىشىندە ونى كەلىسەدى. 13. ۇلتتىق باياندامانىڭ جوباسى مەملەكەتتىك ورگاندارمەن كەلىسىلگەن سوڭ, ەسەپتى كەزەڭنەن كەيىنگى جىلدىڭ 25 قازانىنان كەشىكتىرمەي ساراپتامالىق باعالاۋ ءۇشىن ۋاكىلەتتى ورگاننىڭ جانىنان قۇرىلعان ساراپتامالىق توپتىڭ (بۇدان ءارى - ساراپتامالىق توپ) قاراۋىنا شىعارىلادى, مەملەكەتتىك ورگاندار, عىلىمي ۇيىمدار مەن جۇرتشىلىق وكىلدەرى ونىڭ مۇشەلەرى بولا الادى. 14. ۇلتتىق باياندامانىڭ جوباسىن ساراپتامالىق توپتىڭ قاراۋ ناتيجەسى بويىنشا ۇلتتىق باياندامانى جاريالاۋ تۋرالى ۇسىنىمدارمەن ەركىن نىساندا قورىتىندى رەسىمدەلەدى. 15. ۇلتتىق باياندامانىڭ جوباسىنا ساراپتامالىق توپتىڭ قورىتىندىسى ول ساراپتامالىق توپتىڭ قاراۋىنا كەلىپ تۇسكەن ساتتەن باستاپ ون جۇمىس كۇنى ىشىندە مەملەكەتتىك جانە ورىس تىلدەرىندە ۇسىنىلادى. 16. ۇلتتىق بايانداما جوباسى بويىنشا ساراپتامالىق توپتىڭ قورىتىندىسىندا ەسكەرتۋلەر مەن ۇسىنىس­تار بولعان جاعدايدا, ۋاكىلەتتى ورگان جانە مەملەكەتتىك ورگاندار ون بەس جۇمىس كۇنى ىشىندە ۇلتتىق باياندامانىڭ جوباسى بويىنشا ساراپتامالىق توپتىڭ ەسكەرتۋلەرىن جويادى جانە ۇسىنىستارىن قاراستىرادى. 17. ساراپتامالىق توپتىڭ قورىتىندىسى جانە ۇلتتىق باياندامانىڭ سوڭعى نۇسقاسى ۋاكىلەتتى ورگاننىڭ ينتەرنەت-رەسۋرسىندا مەملەكەتتىك جانە ورىس تىلدەرىندە جىل سايىن ەسەپتى كەزەڭنەن كەيىنگى جىلدىڭ 10 جەلتوقسانىنا دەيىن جاريالانادى.